مهرجان الشوق مهرجان الشوق يابنيه رسم في ضفتك لوحات جميله انيقه عصريه عبيرك انتي فاح نفحات عما الكون فرايحيه في حق الريد زرف دمعات تغني عليها قمريه جميلة زوق وسمحه صفات بنيه اصيله دغريه ولابضحك الشمات زولة ستره محريه بت ناسآ اهل ضريات كرم وبشاشه اصليه ولابتكتر الطلبات بالموجود وبالنيه تصنع من الفسيخ شربات فنون ابداعها سحريه بت طيبانه بت شيخات ولابتحوم في عصريه وتسمع اطيب الكلمات بأشواق وحنيه بساطة اناقه كامله صفات جمال في الخلقه حوريه ولابتنتن القهوات شمار في قعده نسويه محافظه وحافظه لصلوات وبالايآت هي محميه جميله وجامعه احلاء صفات نظرات عبنيها سحريه بتحفظ زوجها لو غاب ياها الفيكي محريه كمان بتساعدو بالدعوات لعند العوده والجيه تقابلو بهمه والبسمات سماحة طيبه وحنيه تقوم بكامل الواجبات تعيش لحظات فرايحيه وتسلمي انتي لي بذات لانك نادرة يابنيه. كلمات اسماعيل حبيب ادم الشامي

رثاء شيخ مردس جمعه شعر اسماعيل حبيب الشامي رحل شيخ العرب فقد الكبار وصغار رحل المن تبا للعروض ستار رحل سيف النصر اللظلم بتار رحل الفي المجالس لقومو مونتار رحل الحنون ابن الوطن البار رحل سديد الراى الهيبه في الانصار رحل ضي القبيله الفيهو ما بتتقال رحل سمح السير الما بتسعها مقال رحل بهدوء الا الرحيل انواع رحل ابن الوطن فارسآ قوي وشجاع رحل المضياف في الزايله ماضماع رحل زين الرجال عزانا اخوك جماع رحل البشوش عما الوطن احزانو رحل القضنفر الفايت نداد اقرانو اهلك ناس شدايد في الحالكات مالانو رحل الحبيب رثوا كل حبانو رفاقتو وصحابو اهلو وجميع جيرانو رحل الكان دائمآ بواسينا رحل تاج الرجال زينه رحل الفي الخريف عينه شورى وسداد رايك مكفينا رحل الجمعه كان الفراق المر فات ترك الخلق زرفت دموع تمطر كان فاجعة جميع حاشت الحشود القبر إلاهي الكريم اللزنوب تغفر تجعل مقامو على الفردوس والحور لفقدو الكبير يارب تلزمنا صبر

عتاب الريد لو بتسئل كان عرفته يوم غيابك طال علينا كل دمع الشوق زرفت الحنين مرات بعاود و انت ماطليت عرفتو صاح عناد الريد بزورنا كان اقلو يكون برفقه نمشي في ظلم الليالي كل شي مكتوب بوقتو الاماظنيتو يفرق وانت ماك زولي العرفتو الزمن غير ملامحك حتى سر الريدة بحتو السنين صعبت علينا كيف نسيت ريدآ غرستو وين ضميرك كان بيصحى ياني دربك مافرقتو لن يضيغ في الدنيا زرة الجميل لوكان زرعتو الاجيت تحصد هباءآ راح زمان الفرحه وقتو جيت بترسى مع الشواطي لقيت مراكب الريده عدو كل شي مكتوب بوقتو السنين حتمآ بعدو الزمن بحسب وراكا وانت ماحسيت بعدو ماسئلتا في يوم ضميرك من رفيقآ مادي يدو جيت كمان بتقولها ناسي اصلو ماحسيت بفقدو ياماقلبك ليا قاسي وين مقابلك البيه بعتو ياماضقنا وراك مأسي والشمات الفيه سعدو كنت انت التاج في راسي الاهسي خلاص فقدو والصعوبات القواسي للروابط ذاتها هدو كنت في وزن القوافي والحروف مشدوده وقتو احترامك كان اساسي وانت ماقدرتا كسبو هسي احزر إلتماسي الروابط ذاتها ضعفو انت ماك زولي الاساسي الشجون الفيا عرفو..... كلمات اسماعيل حبيب الشامي

وهج الفرح🌹🥀 كلمات اسماعيل حبيب مقتول هواك يااا مدهشه فرحت قساي يوم الاسى الدنيا غيرك مابتكون لاتلين لاينعم ملمسها لاطعم في كبد الحياة لا راحة من كتر الهموم في سكتك مشوار طويل وعليا ابدآ مابتهون وسرجت خيلي على الرحيل شأن اقفا في طرفك وانوم امشي الضحى واسريهو ليل ومعاكي لي حد الجنون شأن القاء لدربك دليل ألفت في عدد النجوم حصاني كان بلحيل اصيل شجعني لسفرك اقوم لاكلاء لاقال مستحيل لاملا من تالاكي يوم كيفن يمل من سكتك والهمه تكبر كل يوم والزكرى تنحر في الحشاء والبسمه والخصل الردوم القامه بانه منسله والمشيا تتمايل تعوم والموج بيتلاطم قسى في ضفت البحر الطويل والحاله تنزر بالخطر الشايلو في جواي كتير لابعرف الموت لا الوحل لازم اصل قبل العصير طول الطريق وتعب السفر بيهون وبتحقق مصيرواللحن يظبط في الوتر اجمل غنا واحساس جميل والفرحه تملا الكون زهر ويباركو لينا البيت عديل والعزه كانت بالاهل واللمه بالزين والعديل ناسآ تبارك للفرح والباقي يعطن في الضرير والسيرة الوان قوس قزح واليد مخضبه والحرير والعفه لباقي الشباب بالرحمه والود الكبير والحب اساس المبتدى بالعفه والقيم القبيل

الاحساس احساسك احساسك محفور في داخلك وطالع انفاسك احساسك مهندس في رسمك ودكتورك الفاحص كريات دمك الابيض من قدمك لراسك احساسك دا الهيج جمهورك والشدد حراسك احساسك الكلمة المفرده والمعنى احساسك فرقنا واحساسك بجمعنا مهما قلنا واجمعنا احساسك هو المعنى احساسك بسترنا وبفضحنا احساسك بهمسو صارحنا جمعنا وطارحنا احساسك وقعنا في المحنه احساسك هامسنا وصارحنا وذعلنا وفرحنا احساسك انسنا وصافحنا احساسك مساءنا وصابحنا احساسك الورد دنيانا يوم شرفنا وجانا احساسك بحرفك هجانا احساسك وايايا سار مأذن وجانا احساسك دا الحير خلق الله طيبة قلبك واخلاصك احساسك الغائب والأني احساسك هو العشم في مأذن شرباني احساسك مستقبل احساسك جاء الاول احساسك هو الافضل الاقيم والانبل في الماضي والحاضر ومستقبل احساسك هو الاجمل احساسك الثابت ماخاب وماتحول احساسك هو الريدة في خلقتك صيدة احساسك إتسيطر في حواسك بطاوعو شأن صالحو محال يرضى بمصالحو العالم بتخاصمو وفي الاخر بتصالحوهو الادراء بمصالحو ...كلمات اسماعيل حبيب الشامي

جمل الشيل هذه الكلمات في حق الاخ ابو الكرم كمال الزين الرجل الزين فعلآ اسم علي مسمى شعر اسماعيل حبيب السامي عديل اهلك وجمل الشيل قليل مثلك يشد الحيل كريم اصلك عزاز بالحيل ودراج المحن ياكا وتعدل الميل فارس حوبه من تبيت لعبت شليل وفارس عركة وعقيد الخيل بالصوات تقيم الليل ومن صوتك تعرفو الخيل وتتهمهم تعزو صهيل تواسي الناس وتتشمر وفي شأن الاهل تتعب تكيل بالمد وبالاردب زول احدب طريقو صعب ولافيهو بتحوم همباته ولانصبو كمينو نهب ولافي يوم سمع قولآ واتعقد يكفي الدين وهمتو في الدنيا رضاء الوالدين بيخدمهم حفي القدمين زولآ زين ولابعرف يعيش وجهين انيق وصلك مفصل انت من اصلك خريف عينه في بر اهلك نعيم الدنيا ماشغلك ولاغراك جفيت اهلك ومتواضع خفيف ظلك ومالاقيت ظريف مثلك تعيد الزكرى يوماتي حنين كلك تجود بالبسمه لخلك وبالسربات جميل طلك وبالصدقات يوسع ربي في رزقك 🌹

البطل الجسور كلمات اسماعيل حبيب في حق ابورزقه تحيات ليك في ثوب الدر ياقائد الاسود الغر وين ماتصول تجيب النصر تفخر بيك بنات الدور ياقائد لواء المعمور يشهد ليك عدوك مأسور يحمى السونكي والباصور وفي وسط ام لهيب واقف كتبت سطور مهمه يخود عدوك في الجور اكيد بيعود في يوم مكسور وليل الظلم مهما يطول يعود الفجر وتطلع شمس يالمنصور تهتف بيك فيالغ الدور وتشهد ام وضيب بالقول ياقائد الثبات وجسور بنهنيك ونفرح ليك وبيك نفخر وبنشكل صفوفنا عليك عليك وحدة قويه معلاويه نبني البيت قائد الصح خادم القوم وبظلم الكيان مهموم اسد الكر يالجدري السابق القراحه عمر بننظم فيك حروف كأدر بنسئل الله يطيل العمر والعاداك ضاق المر محال ننسوكا ياقائد الاسود الغر ابشر بينا وبيك نبشر لابنتعدا لابنجور الا الجانا نعدو وجبه شهيه وذاد لنسور كم خادوها رجالك بعز وثبات وحال مستور سو الصح يوم فرت كلاب ونبيح وقالو حيح بالفورويل فزيز ونويح عاد ياخي ماك زول ني فوق الصي شبعت النسور وحدي كبادآ ني ونصو محرق بالبارود شبيه الشي وخلفت الكي في بلد ام وضيب الفي تسلمي انتي يالحسناء مهرك غالي ندفعو نحن مانقول شي وتسلمي انتي مهرك غالي ندفعو نحن مانقول شيئ

الاسد النتر كلمات في حق البطل الازرق حسن حميده👏💪✌ شعر اسماعيل حبيب الشامي الاسد النتر لافتر لاكلا في حق البلد سدد نيشان ماجلا ضارب في مقتل رقد عدوه انشلاء مابرضا الهوان في ارضو وحات اسم الله حامي العرين عينو حمره شراره تمساح الدميره حاشاهو يوم مأضاره بخود المحن معروف ونسلو فزاره في كل المحافل عاصم الزمام متقدم بخود النزال محال يعود مستسلم صنديد في النضال بشوش لاهلو يسلم غيور للاهل وبحرو مابتقاس من تبا وصغير وارث الكرم ميراث ودناسآ قبيل وضعو الحدود متراس ابسيفآ بجز يواسي كل وسواس ابشر يالهميم محال في يوم تنداس برجالك تراهن ساعة ندقو نحاس ابطالك اسود شهيدنا مضروب راس ابشر بالنصر ميراثنا تركت ساس اهلك في الكتال محيطهم ولابتقاس من سموك الخنجر مسموم وقارح خاص مقروس في الرقاب للحجار قطاس ابشر يالهميم ديمآ مرفوع الراس قيادي ومحنك فجاق للطوال في الراس قيادي ومحنك فجاق للطوال في الراس

بهواكا تب شعر اسماعيل حبيب الشامي عز الطلب بهواكا يازول بشغب بهواكا بزوق بي ادب بهواكا مابقدر بلاك لو قالها قلبي يكون كضب بهواكا في ساعة فرح بهواكا في زمن الغضب زمن الشقاء والحال مغبر بالتعب بهواكا يازولي الحنين حد الثماله بلا نكد بهواكا يازول يأسد ساعت تهيج بتكون بشوش يطلع شعاع شمسك دهب نورك سطع فوق للحقب يازول جميل بهواكا تب بهواك والله العظيم اعجاب شديد ذي العجب بهواكا في كل الظروف بلا مجامله اومضد بهواكا ياحظ السعد بهواكا يوت ومشتهيك عايزك ملاك ولي شريك والريده بتكون للابد بهواكا لا ارغب سواك انت الحبيب المرتقب بهواكا يازولي الانيق والريد خلاص ملك العصب بهواكا تب بهواكا تب بهواكا تب 🔥🔥🔥🔥

وصيت اجداد كلمات اسماعيل حبيب الشامي ياجكا العزيزه وصونا عليك اجدادنا فيك نصول ونجول في صهوات جوادنا حالفين بالقسم بنورثك اولادنا ياكي الوحيده البندلعك ببلادنا ساعت الحر تحر بنعيدها فيك امجادنا جكا العزيزه مترامة الاطراف الخير فيك والنعم ابقار كمان وخراف ارضآ فيك الخير دوام بتشاف ساعت نداكي بتواسآ الاكتاف الاقدام تخف بنلبئي كل هتاف فيك نجندل الفارس الطواف وبنوسدو الصي وسمنا فيهو خلاف كفالين يتامه ومدرجين عاطلات ماحوامين فريق و قصدنا الفارغات ستارين عروض ومعقلين هاملات نحارين في الشتاء للفزع البلاحق ذاد ماعتيل كرم تركه وطريق اجداد الكرم والفراسه صفه متلازمين الدفاع في الارض محللنو الدين بنتقشط يمين قصدنا الاتنين النصر يالشهاده و الثالث رضاء الوالدين السبات في الحرب تركه مابتعتل مافينا الهوين البشديد يوم بطل ولا خايب الرجال المن درب الفزع يوم قصر بنتلاحق يمين لو العمير ماكمل بنجيب التار لو دربو ولع قمبل ماهباشين قبائل تلك شمات الكسر هبيش القبائل بيهو مابنتشرف ولابيت غبينه البيها صيف وخرف بنلاقي الفيل في دربو مابنتكرف عارفات الأسود خميج سلاحنا مجرب الموت في الارض اصلو مابخوفنا في شأن الارض نقسم نهز في المحنه وفي خود الحرب ليلنا بلاقي صبحنا

لهفة محب كلمات اسماعيل حبيب الشامي من شدة الشوق يابنيه والايام السرمديه هزت احلامي القويه مني ليك اجمل تحيه واصدق مشاعر عاطفيه كل المشاعر الشجيه نابعه من نفس القضيه اصل القضيه يابنيه انا منك وانتي ليه نمزج انفاس القضيه ونضرب اجراس الحريه في الصباحات والعشيه والحروف الابجديه والعبارات القويه نملاء بيان الهويه والاحاسيس الخفيه طالعه من اجمل بنيه حضريه وسودانية الهويه فيها نسل الصحابيه عفه وعفاف ميه ميه كل احلامي الشجيه زارعو في شوق البنيه ذات العيون العسليه رقت احساس البنيه والقوام الفيها هيه وسمرت اللون النديه ماني ظنيت في بنيه قلت يمكن دي جنيه كل الخصال اتجمعت فوق البنيه بصراااحه يابنيه عايزك تكوني شريكة ليه في الدنيا ديه وفي الاخره تكوني انتي الحوريه لأنو مثلك لا بلاقي ولابفتش لي اذيه لاني محبط ولاهي سخريه حواء من وين تاني تنجب نسخه من نفس البنيه$حواء من وين تاني تنجب نسخه من نفس البنيه

عيون👁👁 وردة🌹 كلمات اسماعيل حبيب وردة جميله في الخاطر في المستقبل والحاضر جمالها يعانق الوجدان وقف فيها الفراش حائر خلقت ربنا القادر جمال فائق بلا ساتر جمال نادر كمان ظاهر في الابداع كتير ساحر فيك بننظم الكلمات اكون ثائر ونسمع اعذب الالحان من فنان يكون ماهر كما جمهورنا مابجامل يجيك من ابعد البلدات يقيف بحداك ويساهر يناسبو المشهد الباهر نفرح بيك ونفاخر روعت زفه للعرسان من ابوقبه لام بادر نشوف الوارد والصادر نشوف العمله بالدولار دهب ناقر نذيدو خطانا للفاشر نشاهد وارد العربات نلاقي الخير هناك وافر رزق الدنيا مابحتاج تكون شاطر قسمه موزعه وارزاق بلا مقابل مايغرك نعيم الدنيا تنسى اليوم وتكابر تحاسب روحك ياشاطر كون حامد دوام شاكر وفي الاسحار تكون زاكر نجاحك قط تقوم باكر

تحية حب🌹 كلمات اسماعيل حبيب سلام بالجمله وقطاعي سلام للمنتدى الراقي سلام من جوه اعماقي سلام لزارع والراعي سلام لشعبنا الواعي شباب في اجمل تداعي شباب باعي وضراعي شباب مذدان كتير واعي شباب فنان وابداعي شباب ابطال ان دعا الداعي جكا فيها الصفات جمله ومن الخير تكيل تملاء جكا البترول والثروة جكا للمحتاج ضروه جكا الحيران والخلوه جكا المصلايه والفروه بلد حلوه جمال فوق النفوس سلوى بلد شبية الغزلان والفلوه هداك عنوان كرم ضيفان تشوف ديوان مع الخلوه بلد ناسآ رجال نخوه بعزو الصحبة والخوه بلد فيها ابومروه بتحمي حقوقها بالقوه كل الناس هناك سوا نفير وفزع نقيف سوا حديد قوه وجيب يا صاحبي من جوه بنحميها وبنموت فيها اما نعيش عزاز فيها واما قبرنا في باطنها من جوه

تراث ابداع كلمات اسماعيل حبيب تراث اقناع تراث ناسآ لديهم باع تراث عربآ دنوها من جزر العرب اجماع تراث اقناع جميل وهاج كتير لماع لماذا لم يطل مزياع وشاشاتآ ملانه خداع حظك ضاع في غاباتآ ملانه ضباع تراث وهاج جميل اقناع تراث شعبآ دخل سوق المواشي وباع جلب مرحات تني بوضراع زرع بلدات حصد وباع وانتاجآ غني وداع رعي وزراع وناقيبآ تنش إلبل وتحلب نوق ملانه ضراع حلب شخاب لبنآ وبات واصبح راب سقا الجنيات تشيل الهيش بلا مضراب مداهيجآ وارضها غاب هدير فحلآ يقاسع في المراح اتلاب تحن ام زور على الفرقات بشاشتآ اصلو مابتتفات كرم ناسآ اهل ضريات رجال حوبات وناس واجبات شوف عين العاداهم مات ترك نسوان بقآ هاملات ويتم في الصقيع جنيات يبقآ عظه للباقيات✌

عزة جكا كلمات اسماعيل حبيب بنريدك حزينه عشان نسعد طموحك وبنريدك وبنريدك بتفرحي عشان نعرض في سوحك وبنريدك بتبكي عشان نمسح دموعك انتي تأمري ونحن بنطيعك من وزيرك لعند رضيعك بنترعرع في حضنك لعند ضلوعك بنتسلق تلالك وفي كل شموخك بنتشرف بأرضك يوم تهتز ارضك بتلقينا اوتاتآ في كل ربوعك نحن بنطيعك ومابنرضى ضيعك بس انتي اءمري بنبرد وجيعك بنضاير التطاول وقاصد نجيعك كيف مابنموت فيك وفي شأن نطيعك بس انتي أءمري ونحن بنطيعك بنتوزع اسودآ في كل ربوعك كيفن نهينك وناكل من نعيمك اقسم ليك يمينآ بنأدب لئيمك لازم تعلو رايتك وابناءك حمايتك ساعت تحما ارضك الكل هون فدايتك وسواعد رمايتك بنقرس سهامك في الواقفين امامك وبنحكم زمامك وبنولع نيرانك صوب الكان خصامك بنفهم رموزك وفي كل ترجوانك وبنحرز اوائل في امتحانك بنقطع لسانآ طاول لسانك وبنعلي شأنك بنعرض امامك وبنفرح حسانك وبيعركس حصانك ابناءك فرسانك متلفين في حولك واقفين امامك بنأدب خصامك وبنهين اللهانك ومابنعفا شبرآ من ارض حسانك شمالك وشرقك جنوبك وغربك مابنعفا شبرآ من قطعة ارضك بنقيس تاني ارضك في ضوحك وسربك وبنوزع طلائع في طولك وعرضك

عز العرب كلمات اسماعيل حبيب لسبق الهجن ابل المعاليا اتصفت رسمت لوحه من الجمال خفيها للارض هفت كن درتا البدو تلقانا فيهو عفرت وكن قلتا الحضر تلقانا شيك وبدل ومجملين بكرفت اليوم الجميل تلقانا فيهو نغرد اليوم العبوث واقفين جبال لو تتحرك في حدب البوادي ترتع ابلنا تغرب الداير العمار بلقانا ليهو ندرب الداير الخراب لقولو تب مايفرط الداير السمح ياءمنا لو متمرد والداير يكيد يسئل خبير ومجرب مافينا البجمل بفعل الرجال مدرب نفرتقها نحن ونجبر المتقرب ما بنقطع نجيل بزهور متورد ناس غابه وفيافي ترتع ابلنا تبرك ابدومتآ تنز بصدرو فيها يعرك يجيك هدر الفحول تقول خريف متحرك نسبآ من جزيرة العرب دانينا منابع مكارم لشينا ماسوينا لو حظك سعيد في عركة ماتلاقينا مرابعين الاسود قوة وسماحه وزينا يام دعجآ فريد وحدك تزغرتي فينا في هز الرجال نحن الاوائل جينا حاشاكي يوم لمديسآ ردوم مدنقرين ما جينا الكرم والفراسه فطرة ورباعه قديمه نعرض في المحافل هيبة وجسارة وزينه الكرم المأصل نحن فيهو ربينا نعطي ونجود دوامآ زي خريف العينه لابنمن يوم نعطي ولابنقول اعطينا لاشكر بسعدنا ولا المحن تقصينا ولا منلملم قومآ نحن عشان يحمينا نحن بنهز الغارنا بيولي الدبر في حينه اصل الثبات شيمتنا وحوهنا بالحيل شينه مكشرين انيابنا ساعت بيحمى عرينا

رثاء والدي حبيب الشامي كلمات اسماعيل حبيب انت مزاج ونكهة كيف وانت النسمه عز الصيف وانت الضحوي ابوعينه خريف دفو البردان في ليل الزيف وانت يايابا مدرج العاطلة الجسمها رهيف وانت حنون وانت لطيف وانت بشوش بلا تكليف بتكرم ضيفك عليهو تقيف تهم بشأنو بلاتزيف وانت الصادق قولك بلا تحريف وانت صديقنا وانت حبيبنا وانت ظريف وانت حبيب وحبيب اخوانك و حبيب ابناءك وكل جيرانك وانت الخادم في ديوانك دايمآ عامر بي حبانك وانت مشيت وخليتا مكانك ربي يعلي مقامك في الفردوس تلقاهو مكانك ليك دعواتنا والشوق والوحشه اللوعه والدهشه وانت يايابا قمرنا في ليلة الضلمه وانت يايابا الوعد وانت الكلمه وانت للجيعان تمد اللقمة وانت البلسم تزيل الحمه وانت من اولادك لأحفادك جبت الامه فوقك خايل الملفح والشال والعمه وانت قيافه وشيك بهمه وانت الطيب السيرة وسمعه بهندامك ديمه تبكر تمشي الجمعه حاضر صبحك عبير هندامك يفوح متعطر حامد ربك يوت متشكر عامر دارك فيه متحكر يجوك احفادك بشوش بتهزر لابتزعل ولابتكشر ساعت الضيمه انت تبشر كنت تساوي الزول الاشتر جانا وداعك مر كالحنضل لجرح فراقك مابنستحمل غصبآ عننا نصبر ربنا يجبر كسر المفصل

وجه الشبه كلمات اسماعيل حبيب مابين وجيهك والقمر نفس الشبه منذو الصغر وانا بيوراك قاصي الاثر لكن كمان نزل المطر ودر على جيهت الاثر وبقيت اسئل في البشر ومشيت اتسلق كمان فوق السخر اطلع سخر وانزل سخر وامش قبل لمن اصل قيف البحر انا والبحر وضوالقمر جمعآ نفتش ليك اثر وكمان سئلت عليك زحل وعطارد والمريخ قبل وثريت المطر نزل المطر ونسيم عليل منك وصل جاب الخبر كل الحصل انو العسل منك نهل وباقي جسيمك إنتحل شايلو النسيم ياداااب وصل مرحب حبابك يانسيم انت البطل الزيك منو بتعرف اكيد الريدة في قلوب البشر تترك اثر طول العمر وانا ريدي ليك قط ماحصل حرمان شديد لكني مافاقد الامل فايتك اكيد ياحبيبي لكن بالصبر مهما حصل كل الحصل انا في الطريق شاتل ورودي مع الامل يوماتي اوصيك بحبل الصبر وعليك يارب تكلان الامر الادها وامر كل مانقول حان النصر ونزرع شويات الامل ونضاري وجوهنا من كل البشر نلقى الزياع زاعو الخبر والحله تصطف من عصر الجيش والغفر مافي نفر حارس الكدر غير عمك كبير فوق العمر قاعد يسبح عاوز النصر دقن طبول الحله بفال النصر رقصآ بنات كل الاهل تنهال تهاني والحال يسر الفرحه في وجوه البشر تنزل دموع وتنهمر والحال يسر بطعم النصرالحال يسر بطعم النصر

رضاء القسمه🎋 كلمات اسماعيل حبيب مواويلك كتبت عليها حروف اسمي اناديلك افتش ليكا في ذاتي احجيلك يشيل النوم طرف عيني مقاديفك بتبحر في مدن عيني الاقي الشوق بينده لي يغازل طيفك النعسان قوام البان وفرعو الني جواك الريد صبح ولهان يعاند في الرياح والموج عشان يعبر يكون فرحان يعانق الروح مشبع بالحنين وحنان ويشعر في حداكا امان لانو الريدة مابتعرف بلاكا مكان ولافكرة في انك تكون مرتاح بعيد مني كمان همك صبح همي اهنيك بي وانا بيكا متهني ونطرب في شواطئ القيف ونرقص مرة ونغني اهازيج الفرح والشوق تملا علي ساحاتك وتفرد لي جناحاتك اعاين في مدن عينيك واحاتك اقدف في مراكب الشوق تلوح لي اشاراتك علامة المرسى في الضفه شراعي يعانق المرسى بقيتا اعاود الزكرى واتزكرتا في الماضي اكيد بيناتنا كان عشرة تدوم عشرة تتوج بتاج العفه و البشرى وانتي هديه من ربي جابك لي عشان نهتما بذاتنا برانا نكونو الاسرة نكون راضين بقسمتنا انشاء الله مليحه بكسرة يكون الحب رباط موثوق ولابتهون علي عشرة ولايمكن اشوف غيرك ولافكرتا من اصلا ماليا علي شجون الريد بالحنيه والسترة نعيش بالقسمه رزق اليوم ونطلع في الدغش بكرة وربي بيرزق العصغور وبيرزق في البحر الحوت بلامجهود ولافكرة قناعتك بي بتسعدني وبتدعمني ولايمكن يهون جسمي ولا بتصعب علي فكرة وراجع في المساء الصافي الاقي الشوق والحنان دافئ اشوف البسمه في عينيك يكون كافي تشيل همي وتحلا الدنيا يازاهي🥀🌹🌺🎋

غربه وعذاب كلمات اسماعيل حبيب حنين الشوق يراودني يعاود الزكرى يطربني تحاول مرة تسعدني عذاب الغربه مزعجني كتييير مرات بزهجني بتعرض لي احلامي تطبطب لي تسكتني ومره كمان تنكدني بتهمس ليه في اذني ومره كمان تهددني بتسعى عشان تهدئني كأنها عايزه تنجدني تثور بيه وتنددني تحوش فكري وتصوبني تقول لي نحن في غربه ونصبر بس كمان حبه ولا بنعجل القومه ولا بنطول المدة نكون بين بين على الحدا بنمشي خطانا في السكة نهرول مرة بجكه وتتأرجح مع الدولار جنيهنا كمان بقا فكه ضعف وعمار اتهدا حسب ذاد لينا في المده تمر ايامنا تتعدا بقينا بنحسب المده حنين اللمه والقعده وشوق لناس جميل وعده سنين الغربه جد صعبه تعيش وحداني في تعبا تكون بتعاني في كبدا بتفقد لمة الصحبه وزمنا الكنه في النخبه حليل ايامنا بي تعبها حليل ايامنا بي تعبها 🛫🛫🛫

وسيم الطلعه كلمات اسماعيل حبيب طالعة في الصبح تتباها آيه كانت في الوجاها وردة في عزت صباها فتحت نوار صفاها الندى يوم احتواها روعة المشهد كساها غايه كانت في زهاها يالها من دهاها طالعه من جواها آها شاعرة بي احساس سباها قلنا يمكن مابراها تحمل الاشواق معاها غيمة ترحل في سماها ظللة للناس معاها ياماودتنا المتاها ندد الكون بيوراها طلعت كل الجواها جايا تزهر في مداها من رحيق الروض كساها نورت الكون معاها نحن اصحاب السماحه للمرح خلينا ساحه لسلام مدت يداها والخيول مسروج حماها ناس فرح اصحاب بداها روعة المشهد كساها للصديق تلقانا واحه يوم تضيق شينين قباحه .

يوم الفرح💍 كلمات ودحبيب شيلة عرس قسيمة الريد جمال عاداتنا فوق البيت في افراحنا في اتراحنا عاده جميله ذي العيد يجوك ولاد دورك من بعيد وقريب يباركولك ذها البيت هناك التويه عامرة نشيد والجراري طبعو فريد هدي الدلوكه والطمبور عمارو شديد ناس السيرة سوا الحيرة بالتغريد ودالنمرة الشناوي فوق الناس قمير ضاوي نحن النار الفي التبنه المكضبنا يجربنا دموع تزرف شعرنا يقوم عديل بيقيف هناك الخيل مصفوفه تزف و الزغروته تجيك ترجف مرحب بالعزاز اهلي انتو حماتي يوم وحلي كل الدنيا مسروره عزيز الزول في دورا ناس خزنتها مطمورة بتطبق في الارض حولها ناس حالتها مستورة تدرج ديمه في العاطله وماهماها الدنيا بغرورها ناس متواضعه في اصولها قلوبها نضيفه مغسوله عايشه على السليم نيات ومتكاتفين على البنيات ومتأنسين على الضريات ومشهورين اهل حوبات بناتنا بنات خضر سمحات جمال عفه قاريات جامعات بكل همه الحاولهن مات شايلات طبعهن من العمات جميله الدنيا بالمة بالحبوبه والعمة وتسلمي انتي يايمة شلتي سعادتي بهمة انشاء الله مايجيك مكروه نحن حداكي نتلمه 🌹🌹🌺🌺

شغف الشوق كلمات اسماعيل حبيب نفس الفكرة وجبر الخاطر كانت في جوايه منابر زولآ عاني ديارك وعابر الا الصدفه كانت حاضر بدت النظرة من زول عابر وكانت نظرة شوقآ حائر بدت الدهشة في الخد ظاهر جات البسمة ولينا تباشر قالت مرحب يازول عابر شكل القصة بقا منابر مابنكابر لو الريد الفيك اضحى مثابر زولآ صابر نحن نرحب بيك ونسافر انت جدير بجد ساحر انك بارع بيك نساهر ننضم فيك العقد يوم باكر وتبقى الدرس وليك بنزاكر ونحرز فيك ممتاز ياشاطر ساكن في الاعماق بالخاطر وكامن جوه الجوف النادر وارد يوم الغب سادر نبعك جوهر مالماع ومظاهر يسلم اصلك ومدك واصل خاتي فواصل شلعت برقآ ساقت عينه طلقت وابل زردت رهد الحلة مقابل فحل البرقة وبهم ابعقه الشايل شاتل فينا امل الغد لباكر يوم تهتم بالسيرة يبقا مصيرك رهن مصيرها ولسه الوقت الوردة صغيرة باكر تكبر وتبقا جميلة تزين شوق الفرحه كبيرة عبق الورد مشتول في الديرة ناسآ تشتل وتهدي لغيرها تبقى حكايت غيس وليلى غرد شادن دندن وتر العود الفاتن طلة شوق مرهون بمواسم موسم فرحك هلا يقاسم ليل البهجة كلو مواسم🌹