دروع الثبات كلمات اسماعيل حبيب حباب اهلي فيكم بجر النم واقول القافيه عزاز اهلي اهل السريرة الصافيه دماثة وطيبه وسيرتآ تجيب العافيه اهلي خدام الضيوف رجولهم حافيه اهلي هيبة و تواضع وكرم وبشاشتآ كافيه اهلي اهل السيوف الطيعوبا المافيه اهلي ساعين ام حنين فوق القوزآ ماشيه والبرقه ام جزازآ روق بترتع زاهيه اهلي زارعين حصاد الاقتصاد صمغآ عربي وفول سوداني بيهم ولامتباهيه اهلي طيبين عشرة دائمآ لكن عيونهم صاحيه عاصمين الزمام شينين ومعركتهم قاسيه رحما في بينهم فوق ام عبوس الفانيه كاتمين غيظهم في كل مرة وتانيه حامين ارضهم في يوم تجيهم دانيه حافظين وردهم في كل لحظة وثانيه قضو فرضهم شهداء وجراح فوق ام لهيب الحاميه جالدين خصمهم جلدة نصر في ثانيه مأذر نصرهم من قديم وانيه لله دركم اهل الثبات في الفانيه 👏💪✊👏

ام ناله كلمات اسماعيل حبيب 🌹🌹🌹🌹 ظبية جدي ام ناله سمحة والخريف تمالها قوامها بانه بحالها إلاهي يحفظ حالها بروعتها وجمالها كل الخلوق تهوالها بالله كيف احوالها عايز اجيب اخبارها من اهلها وجوارها كل النجوم في مدارها تمشي وتعود في مسارها بنهوا حتى غبارها ورمالها وتلالها وروعة جمال اشجارها نحن بنكفي الغارها بنواسي كل جوارها نردد لحفظ شعارها وطيبة كبار وصغارها كردفان بيمينها فاشر السلطان بشمالها سمحه وديعه في حالها اصل النفير هو شعارها فخورة بأجيالها غنيه بثروتها ومزارعها وتجارها حافظها رب الكون ومحميه بأبطالها بموتو في شأن حالها مابرضو بأزلالها فيها الرياضة تواصل في عزها وجمالها🌹

عبق الحروف كلمات اسماعيل حبيب 🌺🌺🌺🌺🌺 بستئذنك ادخل جواك وادمنك بهواك شديد دنيانا عيد واياكا يازولي الفريد انا غير عيونك ما بريد انا مابريد ريدك مشى وعبر الوريد رسمت بيك لوحة طريق مفروش ورود ظللة بالنخل ابجرد رددت اسمك في الهوا وحرف حرف تاني بنعيد انا من جديد والريد اكيد بلغ الزبا سيل البحر لمن يفيض وصل الرصيف كبري الحديد وسرف كمان المنتزة وتوتي الجديد وتحيه للنيل الجميل لمن يفيض بنزل اكيد نزرع ارضنا ونورث الخير للحفيد ونمد ايادي الخير تجيد راءيآ سديد ياكا القضفر وحاتمي كرمآ شديد وارث الكرم من الحبيب شفيعنا في يوم الوعيد ياربي سدد دربنا والخاتمة الحور مجملة زي ماتريد ياربي لطفك يامجيب تجعلها لينا من النصيب

زكريات الماضي كلمات اسماعيل حبيب الشامي وقت الاصيل دائمآ جميل يوماتي فيهو الزكريات وهمس الحنين والماضي بقيت انت الخصم والجلاد والقاضي وانا اعاود الزكرى عنوه واذيد في عنادي عذابك بلسم فيهو بلقا مرادي منك ماني تائب يالظبيه ام سليل بتنادي رقم البعاد وبيني وبينك وادي ابشر بجيك قاصدك عديل متمادي يوم يوم ضربو المثل بالوطن مدادي مابتفرق مسافتك يالذايد عليه سهادي عديت النجوم وكررت لتعدادي جافاني المنام بسيرتك بقيتا بهاتي بغشاني النعاس غصبآ واهجد هادي اشوف شخصك بين الحلم وصحاتي يازول جميل منك اكتشفتا انا ذاتي الشي المهم ماقلت ليك ياشادي مليت الخلق ساكن الحضر وبوادي وبقيت براي داقش الفيافي بنادي ليك هيامي انت مناي ومرادي شاشيت بالخلا في سفرت الهمباتي شقاق الوعر شأن ادني في ميعادي الصي والسفر دائمآ رفيقهن هادي قلام الفقر سيفنا السنين الماضي خبار الوعر تحت النجوم بنقادي في تحت الشجر نومي ومتاعي وقعادي من دون البشر بختار رفيقآ جادي🤺🤺